Bajrami: Qeveria që i ka dyfishu faturat e rrymës e tatimin në pronë po tenton të blejë vota me para të taksapaguesve
Deputetja e kuvendit nga radhët e Lidhjes Demokratike të Kosovës (LDK), Hykmete Bajrami ka komentuar vendimin e Qeverisë për t’i ndarë nga 100 euro për fëmijët dhe pensionistët para zgjedhjeve parlamentare. Sipas Bajramit “shpërndajra e buxhetit të shtetit në kohë fushate është skemë e korrupsionit publik”. Nënkryetarja e LDK’së tha se kështu Qeveria e Albin…
Lajme
Deputetja e kuvendit nga radhët e Lidhjes Demokratike të Kosovës (LDK), Hykmete Bajrami ka komentuar vendimin e Qeverisë për t’i ndarë nga 100 euro për fëmijët dhe pensionistët para zgjedhjeve parlamentare.
Sipas Bajramit “shpërndajra e buxhetit të shtetit në kohë fushate është skemë e korrupsionit publik”.
Nënkryetarja e LDK’së tha se kështu Qeveria e Albin Kurtit po tenton të blejë vota.
“Qeveria e cila gjatë mandatit i ka dyfishu faturat e energjisë elektrike, e ka dyfishu tatimin në pronë, i ka poshtru shërbyesit civilë, i ka fy sindikatat, e ka dëtyru njësinë elitare të Policisë me dalë në protestë, i ka mbetë ushtria pa bukë e policët pa këpuca, i ka maltretu prindërit dy vite radhazi me blerjen e librave, qeveria në mandatin e së cilës janë rritë çmimet si kurrë më pare, sot me para të taksapagusëve po tenton me ble vota”, shtoi Bajrami.
Deputetja tha se “janë 4 vjet të humbura” me qeverinë aktuale.
“Jeni në panikë, por as kjo skemë nuk ju shpeton dot. Me 9 shkurt votohet për ndryshim jo për lëmoshë!”.
<div>
