Deputetja e LDK-së, Hykmete Bajrami, ka reaguar pas vendimit të Gjykatës Kushtetuese duke thënë se që nga dita e parë kanë paralajmëruar se Albin Kurti e ka detyruar Avni Deharin të shkelë Kushtetutën.

Ajo thekson se i njëjti kandidat nuk mund të votohet më shumë se tri herë dhe se votimi duhet të jetë i hapur e transparent, transmeton lajmi.net

“S’ka demokraci aty ku s’ka respektim të Kushtetutës dhe të Ligjit”, ka shkruar Bajrami.

Postimi i plotë: 

Albin Kurti e ka detyru Avni Deharin me shkelë Kushtetutën.

I njëjti kandidat nuk mund të votohet më shumë se 3 herë – Albin Kurti më nuk mund ta bllokojë Kosovën për emrin e Albulena Haxhiut sepse shteti i është më i rëndësishëm se gjithçka tjetër.

Deputetët duhet të marrin pjesë në votim.

Votimi duhet të jetë i hapur – Kushtetuesja mbështetë transparencën, sepse ne jemi përfaqësuese të qytetarëve dhe ata kanë të drejtë të shohin se kush për kë voton.