‘Bad News Eagles’ i nisin me fitore kualifikueset për ‘Major’, mposhtin Entropiq

Sport

21/04/2022 12:37

Skuadra kosovare në CS GO, ‘Bad News Eagles’ e kanë nisur me fitore rrugëtimin në RMR, me synim kualifikimin për 'Major'.

‘Bad News Eagles’ mund të bëhen skuadra e parë kosovare që arrijnë të kualifikohen në një turne botëror si ai i RMR, përcjell lajmi.net.

Për këtë, ata duhet të shënojnë tri fitore dhe një të tillë e arritën sot, në duelin ndaj Entropiq.

Në sistemin BO1 (“best of one – më i miri nga 1”), skuadra kosovare fitoi në ‘map’ de_dust 2, me rezultatin 19:17. Kjo fitore erdhi pas vazhdimeve.

Te skuadra e ‘Bad News Eagles’ më të dalluarit ishin “juanflatroo” (32 vrasje, 21 vdekje) dhe “rigoN” (34 vrasje, 29 vdekje). /Lajmi.net/