Avni Arifi ‘dora e djathtë’ e Haradinajt, tregon kur dalin me emra për ministri
Kryetari i degës së AAK-së në Prishtinë, Avni Arifi, do të jetë ‘dora e djathtë’ e kryeministrit Ramush Haradinaj në qeverinë e cila pritet të formohet në fund të kësaj jave.
Lajme
Lajmi.net ka kontaktuar me Arifin,i cili tha se do të jetë shef i stafit dhe këshilltari i parë i Ramush Haradinajt.
“Do të jem shef i stafit edhe këshilltar i parë i kryeministrit”, ka thënë ai.
Lajmi.net kishte raportuar edhe më parë për pozitën e këshilltarit, konkretisht para zgjedhjeve kur Arifi nuk u përfshi në listën zgjedhore të AAK-së.
Arifi, më tutje, tha se nesër do të bëjnë kërkesë për seancë të jashtëzakonshme për zgjedhjen e kryeministrit dhe do t’i paraqesin emrat e ministrave.
“Nuk e di, sepse është çështje procedurale. Nesër do të kërkojmë seancë të jashtëzakonshme për zgjedhjen e kryeministrit, e aty do të dorëzohen edhe emrat e ministra”, ka thënë ai. /Lajmi.net/