Presidentja e Kosovës, Vjosa Osmani, është duke zhvilluar një vizitë zyrtare në Hungari.

Ajo në Budapest u prit nga homologu i saj Tamas Sulyok.

Osmani këtë vizitë e cilësoi në dobi të qytetarëve dhe në funksion të bashkëpunimit të ndërsjellë.

“Faleminderit për pritjen me nderime ushtarake në Budapest, President Sulyok”!

“Një vizitë e rëndësishme për avancimin e marrëdhënieve ndërmjet Kosovës dhe Hungarisë, në dobi të qytetarëve tanë dhe në funksion të bashkëpunimit të ndërsjellë”, deklaroi ajo.