Asociacioni, kushti i vetëm i Listës Serbe
Vetëm themelimi i Asociacionit të Komunave me Shumicë Serbe do t’i kthejë në institucionet e Kosovës përfaqësuesit e Listës Serbe. Madje këta të fundit thonë se edhe ndërkombëtarëve ua kanë bërë të ditur një kusht të tillë.
![](https://lajmi.net/wp-content/uploads/2016/10/Lista-Serbe.jpg)
Lajme
Në anën tjetër, zyrtarët qeveritarë thonë se Asociacioni do të themelohet ndonëse, sipas tyre, një proces i tillë do të marrë kohë.
“Themelimi i Asociacionit do të marrë kohë. Asociacioni nuk mund të bëhet pa pjesëmarrjen në institucione të Listës Serbe. Ne kemi obligim ligjor themelimin e Asociacionit, por kjo do të marrë kohë”, ka thënë për “Zërin” Bajram Gecaj, këshilltar i kryeministrit Isa Mustafa.
Por zëvendëskryeministri, Branimir Stojanoviq, thotë se nuk do të kthehen në institucione pa e themeluar Asociacionin.
“Kërkesa kryesore është që të fillojë formimi i BKS-së, e pastaj të kthehemi në institucione. Që të qëndrojmë në atë që është rënë dakord në Bruksel”, ka thënë Stojanoviq, duke shtuar se prania e serbëve në institucionet e Kosovës është që të ndryshojnë kushtet themelore të jetës për serbët