Kjo gjendje ka qenë e tillë gjatë gjithë vitit 2015 sidomos në teatrot e qyteteve, të cilat, me ndonjë përjashtim të vogël, në mungesë të mbështetjes së mjaftueshme buxhetore institucionale, në rrafshin kreativ dhe artistik, kryesisht kanë improvizuar apo kanë vendnumëruar, transmeton lajmi.net.

Bordi Ekzekutiv i SHATK-së vlerëson se burimi kryesor i krizës menaxhuese dhe artistike të teatrit në Kosovë është Ligji për Teatrot.

Që prej miratimit dhe hyrjes së tij në fuqi më 24.05.2011, ky ligj sipas artistëve i ka shkëputur teatrot e qyteteve nga varësia buxhetore e MKRS-së, me çka praktikisht, duke i lënë ato në mëshirën e buxheteve të vogla komunale, e ka rrezikuar skajshmërisht funksionimin dhe ekzistencën e tyre të mëtutjeshme.

Në funksion të ndryshimit e të përmirësimit cilësor e afatgjatë të gjendjes së përgjithshme në skenën teatrore vendore, Bordi Ekzekutiv i SHATK-së e vlerëson si të domosdoshme dhe të pashmangshme nevojën për ndryshimin e Ligjit për Teatrot. /lajmi.net