“Topçinjtë” lejuan që sulmuesi Pierre-Emerick Aubameyang të transferohej si një transferim i lirë te Barcelona në janar, si dhe duke lejuar të riun Folarin Balogun të transferohej në huazim te Middlesbrough deri në fund të sezonit, transmeton lajmi.net.

Si rezultat, trajnerin Mikel Arteta e ka lënë veten me Alexandre Lacazette dhe Eddie Nketiah si sulmuesit e vetëm për pjesën e mbetur të sezonit 2021-2022.

Me të dy duke parë që kontratat u skadojnë në qershor, Arsenali është lidhur me një numër zëvendësimesh gjatë muajve të fundit.

Lista e objektivave të mundshëm përfshin deri në 10 emra, sipas “Planet Sport”, me objektivat vendas duke përfshirë dyshen e Evertonit, Dominic Calvert-Lewin dhe Richarlison, si dhe Marcus Rashford të Manchester United dhe Ollie Watkins të Aston Villa.

Në listën me opsione nga jashtë janë Youssef En-Nesyri i Sevillas, Lautaro Martinez i Interit, Alexander Isak i Real Sociedad, Jonathan David i Lille, Darwin Nunez i Benfica-s dhe Raul de Tomas i Espanyol.

Sulmuesi suedez Isak është emri që është lidhur më shumë me një lëvizje në “Emirates Stadium”, me 22-vjeçarin që thuhet se ka një klauzolë lirimi prej 75 milionë funte në marrëveshjen aktuale me skuadrën spanjolle./Lajmi.net/