Një person është arrestuar mbrëmjen e së enjtes në rrugën “Mark Sopi” në Prishtinë, pasi policia ka gjetur dhe sekuestruar një sasi të konsiderueshme armësh të ftohta që ai dyshohej se i shiste edhe te persona të mitur.

Gjatë kontrollit, tek i dyshuari janë konfiskuar 43 thika, 2 boksa të hekurit dhe 2 shufra metalike. Sipas Policisë së Kosovës, dyshohet se i arrestuari ka qenë i përfshirë në shitjen e këtyre mjeteve të rrezikshme, përfshirë edhe te të miturit.

Me urdhër të prokurorit, pas inicimit të rastit, i dyshuari është dërguar në mbajtje.

Raporti i plotë: 

ARMËMBAJTJE PA LEJE

Rr. Mark Sopi, Prishtinë 27.11.2025 – 20:10. Është arrestuar i dyshuari mashkull kosovar,  për shkak se tek i njëjti janë gjetur dhe sekuestruar 43 thika, 2 boksa të hekurit, 2 shufra metalike të cilat dyshohet se i njëjti ua shet personave të mitur. Në konsultim me prokurorin, pas inicimit të rastit i dyshuari është dërguar në mbajtje./lajmi.net/