Një grua është parë sot duke goditur me çekan shumë vetura në një parking në Fushë-Kosovë.

Sipas pamjeve, gruaja godiste me gjithë fuqinë veturat të cilat pësuan dëme të mëdha materiale.

Në lidhje me këtë rast nga Policia e Kosovës kanë bërë të ditur se e njëjta është arrestuar dhe është dërguar për trajtim mjekësor në QKUK pasi ka pësuar lëndime.

Po ashtu asaj do t’i bëhet edhe një ekzaminim psikiatrik.

“Rreth orës 10:00, kemi pranuar informatën për dëmtimin e tri automjeteve në rrugën Xhemajl Mustafa në Fushë Kosovë. Policia menjëherë ka arrestuar personin e dyshuar, e cila është dërguar në QKUK, për trajtim mjekësor ( është lënduar) dhe ekzaminim psikiatrik. Ndaj të dyshuarës B.M, femër është hap rast, për veprën penale Asgjësimi apo dëmtimi i pasurisë. Pas përfundimit të trajtimit mjekësor, do të kryhen procedurat e nevojshme hetimore në  koordinim me prokurorinë”, tha zëdhënësja e policisë për rajonin e Prishtinës, Flora Ahmeti./Lajmi.net/

Qytetarja godet me çekan veturat e parkuara në Fushë-Kosovë, ua thyen edhe xhamat