Në tentimin për të ndikuar tek votuesit që ta hedhin votën për kandidatin e LDK`së Muharrem Svarqa, Polica e Kosovës ka shoqëruar dy persona në polici në Komunën e Ferizajt.

Zyrtarë të Policisë së Kosovës për rajonin e Ferizajit ka konfirmuar intervistimin e dy personave në stacionin policor por pa dashur të flasin me emra.

Ndërsa Hajdin Abazi zëdhënës i shtabit zgjedhor të PDK`së ka thënë se Dukagjin Hetemi dhe një aktivist tjetër i LDK`së janë shoqëruar në polici pas ankesave të votuesve.

Abazi gjithashtu ka shprehur shqetësimin edhe ndaj kryesuesit të Nismës Qytetare për Ferizajn Bashkim Fazliu. Sipas tij, Fazliu po u bën presion votuesve përmes mesazheve dhe rrjetit social Facebook.

“Mendojmë se me sjellje të tilla po nxit konflikt. Shtabi zgjedhor i shtyrë nga kjo është duke përgatitur një padi penale tek prokurori kujdestar”.

Lidhur me deklaratat e zëdhënësit të shtabit zgjedhor të PDK`së, ka reaguar Fazliu duke thënë se postimet e tij në rrjetin e social janë personale dhe jo në emër të NQF`së.

“Kam paraqitur një qëndrim timin ndaj strukturave të caktuara pa përmend emra. Këtë që PDK’ja po e thotë, po e bën sepse është në dijeni se është duke e humbur garën dhe metodat e tilla e kanë qëllimin për ta frikësuar qytetarin”, ka thënë Fazliu.

Arrestohen dy persona në Ferizaj nën dyshimin për “kontrabandim me migrantë” dhe “falsifikim të dokumenteve”.

Në një komunikatë për media të lëshuar nga Policia e Kosovës thuhet se Njësia e Hetimeve të Departamentit të Policisë Kufitare se arrestimi i këtyre dy personave është bërë gjate realizimit të një operacion policor në rajonin e Ferizajt,

“Personat e arrestuar, janë me inicialet E.M. i lindur me 1976, L. B. i lindur me 1973”.

“Bazuar në hetimet preliminare të Policisë së Kosovës personat e dyshuar tashmë të arrestuar, në bashkëveprim dhe në vazhdimësi, me qëllim të përfitimit material, kanë siguruar dhe rregulluar dokumente të ndryshme të falsifikuara”.

“ Dokumentet kishin të bëjnë kryesisht me viza dhe letërnjoftime të shteteve të ndryshme të Evropës si dhe kanë aranzhuar dërgimin e shtetasve kosovarë në drejtim të shteteve të Bashkimit Evropian, përmes rrugëve ilegale dhe me dokumente të falsifikuara”.

“Si pasojë e veprimeve të tyre kriminale shumë persona kanë pësuar jo vetëm materialisht por edhe fizikisht duke u maltretuar nëpër vendkalimet dhe zonat e ndryshme kufitare”.

“Të gjitha veprimet policore lidhur me këtë rast janë kryer nën autorizimin e prokurorit përkatës dhe me autorizimin e tij dy të dyshuar dërgohen në mbajtje për të vazhduar me procedurat tjera hetimore”, thuhet në komunikatën e Policisë.