Sipas arkitektit Tahiri, tema është shumë provokative në aspektin profesional. “Kjo sepse koha, hapësira dhe ekzistenca, na ngacmon neve si arkitekt, sepse kjo është në një farë mënyre edhe qëllimi i gjithë kësaj pune”, ka deklaruar Tahiri për lajmi.net

Ekspozita do të qëndrojë e hapur për gjashtë muaj rresht, nga maji deri në nëntor. Kjo për arkitektin kosovar ka rëndësi pasi do të jetë e hapur në kohën kur Venecia do të vërshohet nga vizitorët e huaj.

Në këtë ekspozitë çdo arkitekt do të ketë hapësirën e vet për të treguar në një formë talentin e tij arkitekturor.

Arkitektit Luri i duhet përkrahje institucionale që të përfaqësojë Kosovën në një eveniment që ai e konsideron si shumë të rëndësishëm. Ai thotë se është i vetmi nga Kosova që do të marr pjesë në Bienalen e Venecias.

Ndryshe, ky arkitekt ferizajas ishte student i gjeneratës së pestë në arkitekturë në Universitetin e Prishtinës. /lajmi.net