lajmi.net

Ancelotti barazon Mourinhon

Brenda vetëm një viti, trajneri i Real Madridit, Carlo Ancelotti ka fituar tre tituj, duke barazuar bilancin e paraaradhësit të tij, Jose Mourinho, në Santiago Bernabeu.

Sport

14/08/2014 10:53

Carlo Ancelotti vështirë se mund të kishte imagjinuar një fillim më të mbarë të aventurës në postin e trajnerit të Real Madridit.

Brenda një viti ai triumfoi në Copa del Rey, Ligën e Kampionëve dhe Superkupën e Evropës, tre tituj. Me këtë bilanc ai ka barazuar atë të paraardhësit të tij Jose Mourinho, por që për të fituar tre tituj iu nevojit një periudhë më e gjatë 2010-2013.

Kurse, Ancelotti është dëshmuar më efikas. Në ndeshjen e parë zyrtare të edicionit 2014-15, Real Madrid mposhti Sevillan me rezultat 2:0 në Superkupën e Evropës.

Dhe, Ancelotti do të ketë rastin të fitojë trofeun e tij të katërt si trajner i Real Madridit në Kampionatin botëror për klube. Me të, ai do ta mposhtë bilancin e trofeve të Mourinhos në Santiago Bernabeu ku triumfoi në Copa del Rey, La Ligë dhe Superkupën e Spanjës. 

Ancelotti barazon Mourinhon

Një tjetër fitore pa pranuar gol dhe kualifikimi i siguruar për në gjysmëfinale të Copa del Rey për Real Madridin. Me triumfin e së martës mbrëma kundër Espanyolit, trajneri i Los Blancos, Carlo Ancelotti ka arritur në kuotën e 20 ndeshjeve të njëpasnjëshme pa pësuar humbje në drejtim të gjigantit nga Santiago Bernabeu, duke barazuar…

Sport

29/01/2014 16:20

Një tjetër fitore pa pranuar gol dhe kualifikimi i siguruar për në gjysmëfinale të Copa del Rey për Real Madridin.

Me triumfin e së martës mbrëma kundër Espanyolit, trajneri i Los Blancos, Carlo Ancelotti ka arritur në kuotën e 20 ndeshjeve të njëpasnjëshme pa pësuar humbje në drejtim të gjigantit nga Santiago Bernabeu, duke barazuar rekordin e Jose Mourinhos me Realin, nga edicioni 2011/12.

Special One u ndal në udhëtim tek Bayern Munich në kuadër të Ligës së Kampionëve. Kurse, rekordi absolut i takon Fabio Capellos, 25 ballafaqime pa pësuar humbje në sezonin 1996/97.

Përveç që barazoi Mourinhon, Ancelotti dhe skuadra e tij shënuan një tjetër rekord duke kompletuar ndeshjen e tetë të njëpasnjëshme pa pranuar gol.

LM