Ambulanca tek pishina e Gërmisë qysh në ditë hapëse, një qytetare thyen hundën, dyshohet se pishina ishte gjysmë e mbushur

Lajme

08/07/2025 17:16

Sot pas shumë pritjeve, më në fund u hap Pishina e Gërmisë për këtë sezon verore.

Por, hapja nuk po del të jetë fort e suksesshme, shkruan lajmi.net

Siç raporton Kryetari i Këshillit Lokal, Enver Rednica, një qytetare sot ka pësuar lëndime serioze në hundë, pasi pishina ishte gjysmë e mbushur, duke shkaktuar kështu habi tek qytetarët.

“Unë, si Kryetar i Këshillit Lokal, kam lajmëruar rastin tek organet kompetente sepse ky rast duhet zbardhur, dhe në rast se del në pah që vajza në fjalë është lënduar për shkaqe që pishina nuk ka pasur ujë të mjaftueshëm”, shkruan Redenica në postimin e tij, duke shtuar se fajtor për këtë janë kryeshefi i NPL “Sport Marketing”, Bardh Krasniqi dhe komuna e Prishtinës.

Tutje, ai tha se këtë vit dita e parë në pishinën e Gërmisë ka qenë me pagesë, duke thyer kështu traditën shumë vjeçare, ku gjithmonë dita e parë e hapjes ka qenë falas.

Postimi i plotë:

Kjo nuk është normale çka po ndodh!!

Sot u hap pishina gjysmë e zbrazur e Gërmisë nga kryeshefi i NPL Sport Marketingut, Bardh Krasniqi, me presionin e kryetarit Perparim Rama.

Në bazë të informatave të para në terren, sot një qytetare ka pësuar lëndime serioze në hundë brenda pishinës së Gërmisë, e ku thuhet që ka qenë brenda në ujë.

Unë, si Kryetar i Këshillit Lokal, kam lajmëruar rastin tek organet kompetente sepse ky rast duhet zbardhur, dhe në rast se del në pah që vajza në fjalë është lënduar për shkaqe që pishina nuk ka pasur ujë të mjaftueshëm, komplet përgjegjësia do të jetë mbi supet e Bardh Krasniqit dhe Kryeqyteti Prishtina.

Po ashtu, si informatë shtesë, çdo vit ditën e parë pishina e Gërmisë ka qenë hyrja falas për qytetarë, ndërsa sot, qysh nga hapja, kanë filluar me pagesa dikujt me kupon e dikujt pa kupon fiskal.

Përparim Rama.

Shëndeti mbi të gjitha

Poshtë oligarkia Komunale./lajmi.net/