Ambasada e Gjermanisë në një postim të fundit shkroi se Berlini mbështet anëtarësimin e Kosovës në Këshillin e Evropës – por se për këtë gjë nevojitet veprim nga qeveria kosovare në zbatimin e zotimeve të marra në dialogun e ndërmjet nga BE mes Kosovës dhe Serbisë.

“Gjermania mbetet fort e përkushtuar që Kosova të anëtarësohet në Këshillin e Evropës – dhe synimi është i arritshëm. Por, Kosovës i duhet të veprojë tani, përfshirë përmbushjen e zotimeve nën dialogun e lehtësuar nga BE”, shkroi ambasada.

Postimi i Ambasadës së Gjermanisë në Kosovë:

Qasja në drejtësi dhe rruga e Kosovës drejt Këshillit të Evropës

Në konferencën përmbyllëse të Institutit të Drejtësisë të Kosovës dhe projektit Lëvizja FOL, Ambasadori Rohde theksoi rolin themelor të sundimit të ligjit  në demokraci – një parim në zemër të Këshillit të Evropës.

🔹 Gjetjet inkurajuese tregojnë se seancat dëgjimore publike dhe të drejtat gjuhësore respektohen, me shumicën e individëve të përfaqësuar profesionalisht.

🔹 Megjithatë, mbeten sfida, duke përfshirë zgjidhjet e ngadalta të çështjeve dhe zbatimin e pamjaftueshëm të jurisprudencës së GJEDNJ-së.

Përtej monitorimit të gjyqësorit, projekti ndihmoi në fuqizimin e qytetarëve, duke siguruar që ata të dinë të drejtat e tyre dhe standardet që gjykatat duhet të respektojnë.

Gjermania mbetet fuqimisht e përkushtuar ndaj anëtarësimit të Kosovës në Këshillin e Evropës – dhe qëllimi është i arritshëm! Por Kosova duhet të veprojë tani, duke përfshirë përmbushjen e angazhimeve të saj në kuadër të Dialogut të lehtësuar nga BE-ja./Lajmi.net/