Ministri i Infrastrukturës, Liburn Aliu, ka njoftuar se ka filluar projekti për vendosjen e numrave të objektit dhe ndërlidhjes së qytetarit me adresë zyrtare.

Sipas tij kjo do t’u ndihmojë qytetarëve që të regjistrojnë adresat e sakta.

“Gjithsej, në 22 komuna të vendit do të instalohen mbi 330,000 numra zyrtar të adresave – një hap i rëndësishëm drejt standardizimit të adresave, që do t’i ndihmojë qytetarët në regjistrimin e adresave të sakta, do të përmirësojë sigurinë dhe do të nxisë zhvillimin e qëndrueshëm dhe planifikimin më  të mirëfilltë urban të komunave”, ka njoftuar Aliu ”

Implementimi i  projektit të vendosjes së numrave të objekteve (publike dhe private) filloi nga sot në Komunën e Pejës./Lajmi.net/