Një aksident trafiku ka ndodhur sot në fshatin Dobërçan të Gjilanit.

Rastin për lajmi.net, e konfirmuar Valon Osmani nga Policia e Kosovës në Gjilan.

Osmani ka thënë se në aksident kanë qenë të përfshira dy vetura me targa jo vendore.

Ndërkaq si pasojë e aksidentit katër persona kanë marrë lëndime trupore të cilët janë transferuar për tretman mjekësor në Emergjencën e Spitalit Rajonal të Gjilanit.

“Me datën 25.12.2024 rreth orës 12:15, në hyrje të fshatit Doberqan ka ndodhur një aksident trafiku në të cilin kanë qenë të përfshira dy veturave me targa jo vendore. Si pasojë e këtij aksidenti katër persona kanë marre lëndime trupore të cilët janë transferuar për tretman mjekësor në Emergjencën e Spitalit Rajonal të Gjilanit. Hetuesit Policor të aksidenteve janë duke u hetuar rrethanat e këtij aksidenti”, ka thënë Osmani. /Lajmi.net/