Dy persona janë lënduar si pasojë e një aksidenti që ka ndodhur rreth orës 18:15, në rrugën “Besim Shala” të fshatit Grazhdanik të Prizrenit.

Zëdhënësi i Policisë së Kosovës për rajonin e Prizrenit, Shaqir Bytyqi për lajmi.net ka thënë se në aksident të përfshira ishin një një veturë dhe një motoçikletë.

Sipas Bytyqit, të lënduar kanë mbetur ngasësi i motoçikletës, dhe pasagjeri i veturës.

Njoftimi i plotë:

Aksident trafiku me lëndime të rënda trupore

Prizren, 31 / 05 / 2025 – Policia e Kosovës, njësitet e trafikut rajonal në Prizren, janë njoftuar për një aksident trafiku të ndodhur më datë 31.05.2025 rreth orës 18:15 në rrugën “Besim Shala” në  fshatin Grazhdanik, Prizren.

Aksidenti ka ndodhur në mes të një veture dhe një motoçiklete.

Si pasojë e këtij  e aksidetit janë shkaktuar  dëme të mëdha materiale.

Përveç dëmeve materiale, lëndime trupore kanë pësuar ngasësi i motoçikletës dhe pasagjeri në veturë. Për shkak të natyrës së lëndimeve të rënda, ngasësi i motoçikletës është dërguar menjëherë në Qendrën Klinike Universitare të Kosovës (QKUK) në Prishtinë për trajtim të mëtejshëm mjekësor. Sipas deklaratës së mjekut kujdestar të emergjencës në Spitalin e Prizrenit, gjendja shëndetësore e tij është e rëndë.

Njësitet përkatëse policore kanë dalë në vendngjarje dhe kanë ndërmarrë të gjitha veprimet e nevojshme hetimore për sqarimin e plotë të rrethanave të aksidentit.

Policia e Kosovës apelon te të gjithë pjesëmarrësit në trafik që të respektojnë rregullat dhe shenjat e komunikacionit, në mënyrë që të shmangen aksidentet dhe të rritet siguria rrugore për të gjithë qytetarët. /lajmi.net/