Sergio Aguero është i afërt me Lionel Messin në Kombëtaren e Argjentinës.

Por, nga sezoni i ri ai mund të jetë kundërshtar i sulmuesit të Barcelonës në La Ligë.

Real Madrid është i interesuar për transferimin e Agueros, ka bërë të ditur e përditshmja sportive madrilene “AS”.

Madje, krerët e klubit nga Santiago Bernabeu janë të gatshëm të paguajnë 60 milionë euro për angazhimin e Agueros.

Ai është një prej futbollistëve kryesorë në Manchester City dhe në të kaluarën ka luajtur në Madrid, por tek skuadra e Atleticos.