US Weekly raporton se ish-çifti, i cili u nda në prill 2019, tani është duke pritur për një paketë gjykimi të paraqitur në gjykatë nga Adele më 15 janar për t’u nënshkruar, shkruan The Sun, transmeton lajmi.net.

Dyshja ka përfaqësuar veten përmes procesit, por ka përdorur ndihmën e ndërmjetësuesve për të përcaktuar se si duhet të shpërndahen financat dhe pronat e tyre.

Ata thuhet se po kërkojnë kujdestarinë e përbashkët të djalit të tyre tetë vjeçar Angelo.

Në mars të vitit të kaluar si Adele, 32 vjeçe, ashtu edhe Simon, 46 vjeç, nënshkruan një marrëveshje konfidencialiteti rreth divorcit.

Pas ndarjes së tyre më 2019, një burim tha: “Kjo është një situatë shumë e trishtueshme, Adele dhe Simon kishin jetuar jetë të ndara për disa kohë.

“Ishte e njohur mirë në mesin e miqve të tyre që këtë herë ata thjesht nuk do ta zgjidhnin atë. Ata ishin përpjekur për vite, por përfundimisht ju duhet të pranoni që diçka thjesht nuk do të funksionojë”, shtoi ai.

Në vitin 2014, “The Sun” zbuloi se çifti nuk jetonin më së bashku dhe nuk ishin parë me njëri-tjetrin për tetë javë.

Por këngëtarja e “Someone Like You”, këngët më të famshme të të cilës kanë të bëjnë me thyerjen e zemrës, ishte në gjendje të rregullonte gjërat dhe çifti u martua më vonë.

Këngëtarja e hitit “Hello” u takua me Simon pasi dyshja u prezantuan nga shoku i përbashkët Ed Sheeran më 2011 dhe u panë së pari së bashku në janar 2012.

Në tetor të vitit të kaluar, Adele konfirmoi se është beqare. /Lajmi.net/