Mbrojtësi i mirënjohur Eric Abidal është duke shqyrtuar mundësinë e pensionimit në përfundim të këtij sezoni.

Mirëpo, klubi i tij Monaco është i gatshëm t’i propozojë rolin e ambasadorit në rast se ai përfundimisht vendos të braktis fushën e lojës në fund të edicionit, ka njoftuar e përditshmja sportive franceze L’Equipe.

34-vjeçari është duke kaluar stinorin e tij të parë në Monaco, pas transferimit në klub nga Barcelona, dhe ka shkëlqyer me paraqitjet e deritashme edhe pse sërish ka pasur probleme shëndetësore, por jo të natyrës së rëndë si ajo e kancerit që e mundoi gati dy vjet më parë.

Megjithatë, ai thuhet se është duke analizuar të ardhmen e tij dhe mund të ndodh që të pensionohet si futbollist në fund të këtij sezoni.

Edhe nëse ndodh kjo ai lehtë mund të mbetet në sport, në rolin e ambasadorit të Monacos.