Kryetari i Lidhjes Demokratike të Kosovës, Lumir Abdixhiku, sot do të mbledhë kryesinë e partisë.

Me anëtarët e kryesisë, Abdixhiku do të diskutojë rreth rezultatit që ka arritur LDK-ja në zgjedhjet parlamentare të 9 shkurtit.

Pos kësaj, aty do të diskutohen edhe tema tjera me rëndësi, në mes tjerash edhe drejtimi që do të marrë kjo parti pas certifikimit të rezultateve nga KQZ-ja.

Mbledhja pritet të nisë në ora 14:00, në zyrat qendrore të këtij subjekti politik./Lajmi.net/