Pas reagimit të MPB-së ndaj rekomandimeve të Departamenti i Sundimit të Ligjit i AAK-së, janë këta të fundit që i kanë shtuar akuzat ndaj kësaj ministrie, duke i quajtur si joserioz. AAK ka akuzuar MPB-në se nuk po i paguan sigurimet shëndetësore ndaj Policisë së Kosovës.

Dhe, sipas AAK-së, ky mos-seriozitet tregohet në këto pika:

1. MPB-ja nuk e flet asnjë fjalë për mungesën e Sigurimit Shëndetësor për Policinë e Kosovës dhe emergjencat. Kjo ishte kërkese e jona!
2. MPB nuk flet asnjë fjalë për mungesën e Pakos Sociale për Policinë. Kjo ishte kërkesë e jona!
3. MPB pranon se statusi i zjarrfikësve nuk është i zgjidhur, por nuk tregon si do ta zgjidhin.
4. MPB nuk jep sqarim pse 24 kamionët për zjarrfikësit kanë qëndruar nga dhjetori 2014 në parking, e nuk i janë dorëzuar zjarrfikësve deri më 14 prill 2015.
5. Sa i përket Strategjive, Ministri Hyseni le të sqarojë pse nuk ka mbajtur asnjë takim të Grupeve Drejtuese për më shumë se katër muaj? Pse nuk po rishikohen Strategjitë?
6. MPB të sqarojë saktësisht çka ka ndodhur në këtë Ministri për më shumë se katër muaj? Çka ka ndryshuar?

Edhe njëherë, i bëjmë thirrje MPB-së që të merr seriozisht rekomandimet tona dhe të punojë në përmirësimin e kushteve të punë për Policinë dhe Emergjencat.