A janë ushtrimet aerobe të dobishme për të gjithë personat joaktivë?
Ushtrimet aerobe tek personat sedentarë përmirësojnë fitnesin fizik duke përfshirë edhe shumë parametra të profilit metabolik.
Lifestyle
Megjithatë, tek një numër i vogël i popullsisë, disa hulumtime kanë treguar efekte kontraverse sa i përket ndikimit të ushtrimeve aerobe në këta parametra të gjakut.
Këtë efekt të ushtrimeve e sqaron një publikim i ditëve të fundit, i publikuar në revisten shkencore Medicine & Science in Sports & Exercise. Autorët inkuadruan gjithsej 1188 individ sedentarë (joaktiv) dhe i analizuan profilet e tyre metabolike për insulinë, trigliceride, tension të gjakut në qetësi dhe kolesterol.
Subjektet u ndanë në dy grupe; atë eksperimentues dhe grupin e kontrollit. Të dy grupet kishin për detyrë të ushtronin ushtrime aerobe për 4-6 muaj. I vetmi dallim ishte se njëri grup ishte i mbikëqyrur nga mbikëqyrës profesionist ndërsa grupi tjetër nuk ishte i mbikëqyrur fare.
Rezultatet e analizave të gjakut treguan se të dyja grupet nuk kishin dallime domethënëse në parametrat metabolik të gjakut, por kishte një tendencë të lehtë që grupi i mbikëqyrur të kishte profil më të mirë.
Kjo ishte një tjetër dëshmi që ushtrimet aerobe, pavarësisht faktit se a janë ose jo të mbikëqyrura, kanë efeke pozitive për shëndetin kardiovaskular në përgjithësi./express