A janë ende në modë? Tendencat e reja të palltove prej pellushi për dimrin 2021-2022

A janë ende në stil palltot e pellushit në dimrin 2021-2022?

Lifestyle

07/12/2021 12:27

Stilistët, por edhe adhuruesit i janë përgjigjur me një PO të fuqishme kësaj pyetjeje. Palltot e pellushit janë shumë në stil për sezonin e dimrit 2021-2022, dhe kjo është pranuar edhe nga marka të fuqishme si Max Mara.

Emra të famshëm si Irina Shayak, Celine Dion dhe Hailey Baldwin që kanë zgjedhur ta veshin janë siguri që të paktën edhe këtë vit, pellushi do të vijojë të jetë në trend.

Dhe që të jemi të sinqertë: kush është gati të heqë dorë nga kjo pallto e ngrohtë dhe komode?

Përtej faktit që ju kujtojnë arushin e fëmijërisë, këto lloj palltosh ju sjellin komoditetin më shumë se çdo veshje tjetër në kohën e ftohtë. Në stile dhe ndikime të ndryshme; nga stili vintage i viteve ’50 deri tek versionet më të çuditshme boho.

Varet vërtet nga ju dhe cili është stili juaj. Disa nga modelet më tipike janë ato që janë të ndikuara nga vintage. Palltot e pellushit janë frymëzuar sidomos nga dizajni i viteve 50, 60 dhe 70 dhe ndoshta do të vijojnë të vishen edhe më shumë në vitet e ardhshme.