Everton është i gatshëm të sfidojë gatishmërinë e Manchester Unitedit për ta mbajtur Adnan Januzajn me një ofertë për transferimin e tij gjatë verës, raporton “Manchester Evening News”.

Roberto Martinez është adhurues i reprezentuesit belg dhe dëshiroi ta sillte në Goodison Park gjatë afatit kalimtar të janarit.

United refuzoi të lejonte largimin e 20-vjeçarit që kërkohej edhe nga Paris Saint-Germain.

Por, Everton do të provojë sërish pas përfundimit të këtij sezoni.

Januzaj nuk ka luajtur prej kur u inkuadrua si rezervist në humbjen në FA Cup nga Arsenal më 9 mars. Ai ka bërë vetëm tetë paraqitje si titullar gjatë këtij sezoni.