Trajneri i Atletico Madridit, Diego Simeone ka refuzuar të thotë se ekipi i tij është favorit në ndeshjen e së martës mbrëma ndaj Barcelonës, në çerekfinale të Ligës së Kampionëve.

Ekipi i trajnerit argjentinas do të përballet me gjigantin katalunas në Camp Nou, në ndeshjen e parë ndërmjet dy skuadrave që zënë dy pozitat e para në La Liga.

“Barcelona është në seri të mirë. Ata do t’i përdorin këto ndeshje, ndaj nesh. Ndeshja do të jetë mjaft e vështirë. Dy ekipet do të përballen në një moment të shkëlqyer”, deklaroi fillimisht Simeone.

“E pres Barcelonën më të mirë. Ata do të mundohen të fitojnë në shtëpinë e tyre dhe nuk e presin lojën e kthimit”, vazhdoi ai.

“Nëse themi se jemi favoritë, ata do të thonë se ne jemi arrogantë. Nëse jo, ata do të thonë se ne jemi duke u treguar shumë modestë. Ajo që është e qartë është se ne do të luftojmë dhe se do të jetë një përballje e bukur”, përfundoi Simeone, i cili mendon se Diego Costa është Lionel Messi i Atleticos.