Presidentja e Republikës së Kosovës, Atifete Jahjaga, Vitin 2013 e quajti vit të suksesshëm për vendin, i cili sipas saj, ka qartësuar rrugën europiane.

Në takimin e fundit me gazetarët për këtë vit Jahjaga tha se Kosovën në vitin 2014 e pret një punë e madhe.

“Vitin që po e lëmë pas viti 2013 për shtetin tonë për Kosovën ka qenë një vit I mirë ka qenë një vit I suksesshëm një vit që ka hapur shtigje të reja dhe gjithsesi se ka qartësuar edhe rrugën  tonë europiane”.

“Këtë që po e lëmë pas ne kemi përmbyllur dhe kemi filluar procese të rëndësishme për vendin tonë procese të cilat gjithsesi se i kontribuojnë edhe ndërtimit të një shteti gjithëpërfshirës”.

“Gjithashtu ne kemi hyrë edhe në marrëdhënie të reja me shtetet fqinje, marrëdhënie të cilat  duhet të përmbyllen me një marrëveshje përfundimtare  e cila duhet të zbatohet në plotni dhe duhet të zbatohet në përpikëri”.

“Gjatë këtij viti ne kemi filluar reforma qenësore për shtetin tonë dhe për shoqërinë tonë, reformat ë cilat  do të duhet të na ndihmojnë në vazhdimin e demokratizimit të shoqërisë tonë reforma të cilat duhet të na ndihmojnë në vazhdimin e demokratizimit të shtetit tonë”.

“Këto reforma do të vendosin shtetin e së drejtës këto reforma dhe puna e pandalshme  e jon në zbatimin e standardeve të vazhdueshme të cilat duhet të plotësohen gjithsesi se do të sjellin edhe lëvizjen tonë të lirë në shtetet e Bashkimit Europian”.

“Kjo është puna e cila na pret. Një punë madhe në vitin që po vjen dhe gjithsesi unë besoj se ne kemi guximin dhe kemi forcën t`I përmbushim këto, sepse kjo është në interes të shoqërisë sonë dhe kjo është në interes të zhvillimit të gjithëmbarshëm të shtetit tonë”.