‘Kampioni’ i zëvendësimeve
Andres Iniesta është pa dyshim një prej futbollistëve kryesorë të Barcelonës. Mirëpo, deri më tani gjatë këtij sezoni ai ka qenë ‘viktimë’ e vazhdueshme e politikës së rotacionit të trajnerit të ri Gerardo Martino. Mesfushori është futbollisti më i zëvendësuar në ekip dhe komplet La Ligën, një fakt që duket sikur ka filluar ta shqetësojë.…
![](https://lajmi.net/wp-content/uploads/media/image/201309/full/Iniesta1.jpg)
Sport
Andres Iniesta është pa dyshim një prej futbollistëve kryesorë të Barcelonës. Mirëpo, deri më tani gjatë këtij sezoni ai ka qenë ‘viktimë’ e vazhdueshme e politikës së rotacionit të trajnerit të ri Gerardo Martino.
Mesfushori është futbollisti më i zëvendësuar në ekip dhe komplet La Ligën, një fakt që duket sikur ka filluar ta shqetësojë. Të mërkurën në ndeshjen e Ligës së Kampionëve kundër Milanit, ai bëri një gjest në drejtim të bankinës kur pa se në tabelën e zëvendësimit shkruante numri i tij.
Nga 18 ndeshjet e Barcelonës këtë sezon, Iniesta është përfshirë në secilën prej tyre por i ka kompletuar vetëm gjashtë, kurse është zëvendësuar shtatë herë, ndërsa u inkuadrua në lojë si rezervist në pesë duele.
Në takimet e fundit, ai nuk e ka përfunduar asnjë prej tyre dhe një grup i tifozëve të Barcelonës ka filluar të frikësohet se kjo mund të ndikojë në vendimin e tij rreth vazhdimit të kontratës në klub.