Këshilli Prokurorial i Kosovës ka zhvilluar sot mbledhjen e radhës.

Në këtë mbledhje përpos prezantimit të punës është bërë edhe një ndryshim.

Prokurori Rafet Halimi është caktuar në pozitën e zv/kryeprokurorit të Prokurorisë Speciale të Kosovës.

Halimi është caktuar në këtë pozitë me propozim të ushtruesit të detyrës së Kryeprokurorit, Dren Paca, shkruan lajmi.net.

Po ashtu gjatë mbledhjes, kryesuesi i KPK-së, Arian Gashi, ka njoftuar se Valdet Gashi ka dhënë dorëheqje nga pozita e zv/kryeprokurorit të Prokurorisë Speciale dhe nga udhëheqja e Departamentit për Korrupsion./Lajmi.net/