Kryetari i Lidhjes Demokratike të Kosovës (LDK), Lumir Abdixhiku, ka pritur në takim raportuesin për Kosovën në Parlamentin Evropian, Riho Terras, me të cilin ka diskutuar për zhvillimet politike në vend dhe procesin e integrimit evropian.

Abdixhiku bëri të ditur se në takim u diskutua për situatën politike pas zgjedhjeve, procesin e certifikimit të rezultateve nga Komisioni Qendror i Zgjedhjeve (KQZ), si dhe për nevojën e konstituimit sa më të shpejtë të institucioneve të reja, transmeton lajmi.net.

Sipas tij, pas certifikimit të rezultateve është e domosdoshme të ndërmerren hapat e nevojshëm për krijimin e institucioneve të qëndrueshme dhe funksionale, duke theksuar se respektimi i vullnetit të qytetarëve dhe i standardeve demokratike mbetet thelbësor.

Kreu i LDK-së vlerësoi gjithashtu raportin e raportuesit të Parlamentit Evropian për Kosovën, duke thënë se ai nënvizon rëndësinë e avancimit të reformave, forcimit të institucioneve demokratike dhe funksionalizimit të institucioneve në rrugën evropiane të Kosovës.

Abdixhiku shprehu mirënjohje për mbështetjen e vazhdueshme të Parlamentit Evropian dhe Bashkimit Evropian ndaj Kosovës, duke ritheksuar rëndësinë e partneritetit me institucionet evropiane.

Postimi i plotë: 

Sot, prita në takim Raportuesin për Kosovën në Parlamentin Evropian, Riho Terras.