Sot (e martë), Turqia pret udhëheqësit e shteteve anëtare të NATO-s dhe vendeve partnere për bisedime vendimtare mbi të ardhmen e aleancës.

Samiti i NATO-s 2026 fillon në kryeqytetin turk, Ankara, duke mbledhur udhëheqës nga 32 shtete anëtare dhe disa vende partnere për diskutime të nivelit të lartë gjatë dy ditëve të ardhshme.

Shpenzimet e mbrojtjes, mbështetja afatgjatë për Ukrainën dhe përpjekjet për të forcuar kapacitetin industrial të mbrojtjes të aleancës pritet të dominojnë diskutimet.

Sekretari i Përgjithshëm i NATO-s, Mark Rutte dhe zyrtarë të tjerë thonë gjithashtu se Evropa dëshiron të tregojë se po i mban premtimet për të rritur shpenzimet e mbrojtjes, me marrëveshje të mëdha armësh që pritet të shpallen gjatë samitit, shkruan AA.