Ambasadori i Shqipërisë në Kosovë ka takuar ambasadorin e Mbretërisë së Bashkuar në Kosovë, Jonathan Hargreaves.

Malaj përmes një postimi në “X”, ka dhënë detaje nga ky takim.

“Biseduam me interes të veçantë për marrëdhëniet e shkëlqyera mes Shqipërisë dhe Mbretërisë së Bashkuar, si dhe për zhvillimet politike në Kosovë. Ndamë të njëjtin vlerësim mbi nevojën urgjente për krijimin e institucioneve të reja demokratike, në mënyrë që të vijojë avancimi i reformave të rëndësishme për prosperitetin e qytetarëve të Kosovës dhe për të ardhmen e rinisë së saj të talentuar, energjike dhe plot potencial”, ka shkruar Malaj.

Ai ka thënë se është kënaqësi që të shkëmbejnë mendime me miq e partnerë që mbështesin zhvillimin, stabilitetin dhe perspektivën euroatlantike të Kosovës. /Lajmi.net/

Postimi i plotë:

Një takim shumë i vlefshëm sot me Ambasadorin e Mbretërisë së Bashkuar në Kosovë, Jonathan Hargreaves. 🇬🇧🇦🇱🇽🇰

Biseduam me interes të veçantë për marrëdhëniet e shkëlqyera mes Shqipërisë dhe Mbretërisë së Bashkuar, si dhe për zhvillimet politike në Kosovë. Ndamë të njëjtin… pic.twitter.com/NwT6oCkj9x

— Ambassador Petrit Malaj (@petritmalaj) June 24, 2026