Rrjeti i Grave të Kosovës ka përgëzuar kryeparlamentaren Albulena Haxhiu për pozitën e re.

Ata kanë thënë se me Haxhiun kanë punuar ngushtë në pozitën e saj si Ministre e Drejtësisë, shkruan lajmi.net.

“Nga pozicioni i saj, ajo shtyu përpara ndryshime të konsiderueshme drejt mbrojtjes së grave që i mbijetuan dhunës me bazë gjinore. Nën udhëheqjen e saj u miratuan disa ligje dhe politika kyçe, duke përfshirë sigurimin e një buxheti të qartë të financuar nga shteti për strehimoret. Shpresojmë që nga pozicioni i saj i ri ajo do të vazhdojë të jetë zëri i grave dhe të shtyjë përpara të drejtat e grave në Kosovë. Ne presim me padurim të punojmë me Kryeparlamentaren Haxhiu dhe të gjithë deputetët e tjerë të të gjitha partive politike për mbrojtjen, promovimin dhe avancimin e të drejtave të grave”, thuhet në komunikatë. /Lajmi.net/

Postimi i plotë: