Nita Hashani ka vazhduar të mbajë mandatin si kryesuese e Bordit të Drejtorëve të Ndërmarrjes Publike Lokale (NPL) “Kastrioti”, edhe pas ndryshimeve të fundit të realizuara nga qeverisja e re komunale, e cila shkarkoi pjesën tjetër të anëtarëve të bordit.

Konfirmimi vjen përmes një njoftimi zyrtar të Komunës së Obiliqit, sipas të cilit nënkryetari i komunës, Berat Gashi, vizitoi NPL “Kastrioti” për të uruar marrjen e detyrës nga ushtruesi i ri i Kryeshefit Ekzekutiv dhe anëtarët e rinj të bordit. Në këtë kontekst, Hashani përmendet si kryesuese e Bordit, duke vazhduar të ushtrojë funksionin e saj edhe në këtë përbërje të re, transmeton lajmi.net

Hashani është gjithashtu motra e Gramos Hashanit, ushtrues i detyrës së Kryeshefit Ekzekutiv të KEK-ut, duke shtuar interes publik mbi pozicionin e saj brenda sektorit të ndërmarrjeve publike në vend.

Tjerë anëtarë të bordit janë shkarkuar, vetëm Nita Hashani i ka shpëtuar shkarkimit./lajmi.net/