Kryetari i Klinës, Zenun Elezaj, ka vizituar zonën e Gjurgjevikut për të inspektuar dëmet e shkaktuara nga përmbytjet e fundit.

Nga inspektimi i tij dhe fotografitë e publikuara shihet se ura në Gjurgjevik është dëmtuar, ndërsa janë vendosur shiritat paralajmërues për sigurinë e qytetarëve.

Elezaj bëri të ditur se kompania e kontraktuar nga komuna ka nisur punimet për sanimin e dëmeve.

“Sot në mëngjes, bashkë me Drejtorin e Shërbimeve Publike dhe Emergjente, Qendrim Millaku, dhe Shefin e Kabinetit, Shemsi Bajraktari, vizituam zonat e përmbytura dhe inspektuam nga afër objektet më të rëndësishme, si urat dhe rrugët e dëmtuara. Pamë gjendjen reale në terren dhe fillimin e punimeve për riparimin e dëmeve. Kompania e kontraktuar është në terren dhe po ndërmerr të gjitha masat e nevojshme për riparimin e pronave publike”, tha Elezaj.