Një person është arrestuar nga policia pasi dyshohet se kishte marrë një veturë me qira më 21 nëntor 2025 dhe nuk e kishte kthyer më tek pronari.

Rasti, i raportuar nga viktima – një shtetas kosovar – është trajtuar nga njësitë policore, të cilat më 11 dhjetor 2025 kanë identifikuar dhe arrestuar të dyshuarin.

Sipas policisë, vetura e marrë me qira është gjetur dhe është konfiskuar, ndërsa më pas i është kthyer pronarit legjitim.

I dyshuari është intervistuar dhe me vendim të prokurorit është dërguar në mbajtje.

“ANP. Adem Jashari / 21.11.2025 – 19:00. Më 11.12.2025 është arrestuar i dyshuari mashkull kosovar për shkak se më 21.11.2025 nga viktima mashkull kosovar kishte marr veturën me qera dhe nuk ia kishte kthyer më. Nga i dyshuari është konfiskuar vetura dhe i është kthyer pronarit, ndërsa pas intervistimit me vendim të prokurorit i dyshuari është dërguar në mbajtje”, thuhet në raportin e Policisë së Kosovës.