Një nga personazhet politikë më me ndikim në Ukrainë dhe ndihmës i ngushtë i presidentit Volodymyr Zelensky ka dhënë dorëheqjen, disa orë pasi agjencitë kundër korrupsionit bastisën shtëpinë e tij.

A2 CNN raporton se kjo shënon një krizë të madhe, ndërsa Kievi përballet me presion të ri nga SHBA-ja për të pranuar një marrëveshje paqeje për t’i dhënë fund luftës me Rusinë.

Zyrtarisht shefi i stafit të presidentit, Andriy Yermak është parë shpesh si njeriu i dytë më i fuqishëm i Ukrainës.

Ai ka udhëhequr delegacionin ukrainas gjatë bisedimeve të fundit në Gjenevë me Uashingtonin. Dorëheqja e Yermak, e cila u njoftua nga Zelensky të premten, e ndërlikon pozicionin e Kievit duke hyrë në negociatat vendimtare të paqes me Shtetet e Bashkuara.