Prokuroria urdhëron rifillimin e numërimit të fletëvotimeve në QKN në Mitrovicë – Cakton dy hetues të jenë prezent deri të përfundoj procesi
Prokuroria Themelore në Mitrovicë, ka urdhër Komisionin Komunal Zgjedhor, që të rifilloj procesin e numërimit të fletëvotimeve në Qendrën Komunale në Komunale e Mitrovicës së Jugut. Prokuroria ka thënë se ky urdhër ka ardhur pasi kompania “CETIS”, ka sqaruar se problemi i numërimit ka ndodhur ekskluzivisht në njërën nga katër kokat/pllakat e printerëve me ngjyrë,…
Lajme
Prokuroria Themelore në Mitrovicë, ka urdhër Komisionin Komunal Zgjedhor, që të rifilloj procesin e numërimit të fletëvotimeve në Qendrën Komunale në Komunale e Mitrovicës së Jugut.
Prokuroria ka thënë se ky urdhër ka ardhur pasi kompania “CETIS”, ka sqaruar se problemi i numërimit ka ndodhur ekskluzivisht në njërën nga katër kokat/pllakat e printerëve me ngjyrë, dhe kanë thënë se marrin përgjegjësi për këtë gabim, e që sipas tyre, në rrethana normale do të ishte i pamundur të ndodhte.
“Sidoqoftë, për të ruajtur integritetin e procesit të numërimit të fletë votimeve, Prokuroria Themelore në Mitrovicë ka caktuar dy hetues policorë që do të jenë prezent gjatë tërë kohës deri në përfundimin e plotë të procesit të numërimit”, ka njoftuar Prokuroria Themelore në Mitrovicë.
Prokuroria Themelore në Mitrovicë, dje menjëherë ka ndaluar procesin e rinumërimit për shkak të raportimit për parregullsi.
“Për shkak të numrave serikë të ndryshëm në disa fletëvotime, është aluduar për gabime teknike, e po ashtu ka pasur edhe pretendime se kemi të bëjmë me manipulim të qëllimshëm me fletëvotime”, u tha në njoftimin e Prokurorisë.
Deputeti i PDK-së, Perparim Gruda përmes një konference për media ka deklaruar se edhe nëse do të ishte gabim teknik, ky problem duhet të sanohet, dhe sanimi i vetëm është rivotimi në Komunën e Mitrovicës. /Lajmi.net/
