Komiteti Norvegjez i Nobelit i ka dhënë Çmimin Nobel për Paqe për vitin 2025 Maria Corina Machado-s, për punën e saj të palodhshme në mbrojtje të të drejtave demokratike të popullit të Venezuelës dhe për përpjekjet për një kalim paqësor nga diktatura në demokraci.

Machado, si lidere e opozitës demokratike, është cilësuar si një nga shembujt më të jashtëzakonshëm të guximit civil në Amerikën Latine në vitet e fundit.

Machado ka bashkuar një opozitë dikur të përçarë përreth kërkesës për zgjedhje të lira dhe përfaqësim demokratik, duke u përballur me represion shtetëror, ndalim të kandidaturës së saj presidenciale dhe kërcënime ndaj jetës.

Ajo ka zgjedhur të qëndrojë në vendin e saj, pavarësisht rreziqeve, duke frymëzuar miliona qytetarë që të kërkojnë liri dhe drejtësi. Komiteti theksoi se përkushtimi i saj ndaj mjeteve demokratike si rruga për paqe e bën Machado-n plotësisht të denjë për këtë çmim prestigjioz.

Pritshmëritë ishin të mëdha që presidenti Donald Trump të konsiderohet për këtë çmim, për shkak të angazhimit të tij të palodhshëm për paqe në botë, veçanërisht me marrëveshjen e arritur në Gaza./lajmi.net/