Kryetari i VV-së, Albin Kurti në postimin e fundit ka shfaqur shenja paniku për garën në Prishtinë.

Duke e parë se po rriten zërat që Hajrulla Çeku mund të mos jetë fare pjesë e balotazhit, Kurti me një postim i ka sulmuar keq kundërkandidatët e tij kryesorë, Përparim Ramën e LDK-së dhe Uran Ismailin e PDK-së, transmeton lajmi.net.

Kurti si gjithmonë, nuk ka mundur të mos i përmend oligarkët në fjalimet e tij.

“Na duhet ky ndryshim, sepse Prishtina është bërë qytet i vështirë për ne që jetojmë në kryeqytet por edhe për ata që e vizitojnë. Nuk mund të bëhesh e as të jesh kryetar i Prishtinës kur oligarkët ta përcaktojnë kahjen e zhvillimit të qytetit. Nuk kalojnë të tillët më në Prishtinë e Prishtina nuk e lejon më këtë.”, tha fillimisht ai në postim.

Tutje, Kurti sulmoi në mënyrë brutale Ramën e Ismailin.

“Ata nuk kanë vizion e as respekt për qytetarin. Ne e kemi vizionin për Prishtinën, e kemi platformën qeverisëse, e kemi edhe dashurinë për qytetin.”, shkroi Kurti.

Postimi i plotë: