Gjykata Themelore e Ferizajt e ka dënuar me 25 mijë euro kryeparlamentarin Dimal Basha për shpifjet që i ka bërë në drejtim të biznismenit nga Ferizaj, Mustafë Grainca.

Ky i fundit ka dal me një reagim në lidhje me vendimin e Themelores, shkruan lajmi.net.

“Drejtësia foli e me aktvendim vërtetojë se ky njeri, kishte përdorur aktin më të ulët njerëzor, për të më përdhosur e cenuar dinjitetin tim, mbi të cilën fatkeqësisht ngriti vetën politikisht, për të ardhur deri aty sa edhe të bëhet Kryetar i institucionit më të lart të Republikës sonë.”, shkroi ndër të tjera Grainca.

Ai tha se mjetet do t’ua bart shoqatave të dala nga lufta.

Postimi i plotë:

Sot, me aktgjykimin e Gjykatës Themelore në Ferizaj u vërtetuar se z. Dimal Basha kishte shpifur e fyer ndaj meje!

Drejtësia foli e me aktvendim vërtetojë se ky njeri, kishte përdorur aktin më të ulët njerëzor, për të më përdhosur e cenuar dinjitetin tim, mbi të cilën fatkeqësisht ngriti vetën politikisht, për të ardhur deri aty sa edhe të bëhet Kryetar i institucionit më të lart të Republikës sonë.

Ky person, tani më i denuar për shpifje e fyerje, kishte marrur edhe guximin për tu bërë bashkë, në korin e njëllosjes së Lavdisë Kombëtare, Ushtria Çlirimtare të Kosovës!

Në aktvendimin e publikuar, shënohet se shpifësi në fjalë, dënohet edhe financiarisht për të më kompenzuar dëmin e shkaktuar, por unë vendosi që këto mjete financiare, në momentin e alokimit, do të ia barti Shoqatave të dalur nga lufta!

Tê mjerë janë ata që ngriten e marrin përgjegjësi institucionale, duke shpifur e duke mashtruar qytetarët e mrekullueshëm të vendit tonë./lajmi.net/