Një aksident i rëndë trafiku ka ndodhur mbrëmë në rrugën nacionale Prishtinë-Mitrovicë, në afërsi të fshatit Llazarevë, komuna e Obiliqit, ku një këmbësor ka humbur jetën si pasojë e goditjes nga një veturë.

Policia e Kosovës ka bërë të ditur në raportin e saj 24-orësh se shoferi i veturës, dyshohet se nga pakujdesia ka goditur viktimën i cili po lëvizte në këmbë, transmeton lajmi.net

Ekipet emergjente kanë dalë në vendin e ngjarjes, ku është konstatuar vdekja e këmbësorit. Me urdhër të prokurorit, trupi i pajetë është dërguar në Institutin e Mjekësisë Ligjore për obduksion.

Policia ka nisur hetimet për të sqaruar rrethanat e plota të aksidentit./Lajmi.net/