Për herë të 45-të, Kuvendi i Kosovës ka dështuar të konstituohet.

Lëvizja Vetëvendosje përsëri tentoi themelimin e komisionit për votimin e fshehtë, por që nuk u përkrah nga partitë tjera, shkruan lajmi.net

Deptueti i PDK-së, Abelard Tahiri doli në foltore dhe kritikoi udhëheqësin e seancës, Avni Dehari.

“Sot është hera e 45-të që kryesuesi i Kuvendit po e shkel Kushtetuten e Kosovës. Kjo është e papranueshme…”, tha Tahiri para se t’i ndalej fjala nga Dehari.

Deputeti i LDK-së, Ekrem Hyseni propozoi që të Dehari të kthehet në rendin e ditës.

“Unë propozoj që të ktheheni në rendin e ditës dhe të respektoni Kushtetutën”, tha deputeti i LDK-së, Ekrem Hyseni.

Kurse, deputetja e AAK-së, Time Kadriaj tha se ka bllokadë të qëllimshme.

“Po e shohim që ka një bllokadë të qëllimshme”, tha Kadriaj, para se t’i ndalej fjala.

Kësaj radhe themelimi për votimin e fshehtë mori  49 vota për. Seanca e radhës është me 13 korrik, në ora 11:00./lajmi.net/