Prokuroria Speciale e Republikës së Kosovës ka reaguar pas akuzave të ngritura nga zyrtarë të Lëvizjes Vetëvendosje, të cilët e kanë akuzuar kryeprokurorin Blerim Isufaj se po tenton të ndalojë ndërtimin e dy urave të reja mbi lumin Ibër në Mitrovicë, përmes hetimeve që po ua bën për kontratat njëburimore për këtë projekt.

PS-ja ka sqaruar se nuk është organ vendimmarrës për projekte infrastrukturore dhe se roli i saj është të veprojë vetëm në bazë të ligjeve në fuqi në rastet kur dyshohet për keqpërdorim të fondeve publike, transmeton lajmi.net.

Në komunikatën e saj, Prokuroria Speciale bën të ditur se përmes pesë prokurorëve të angazhuar aktualisht janë duke u trajtuar rreth 2 mijë kontrata njëburimore dhe se në rastin konkret ka autorizuar Policinë e Kosovës për të ndërmarrë veprimet hetimore, me qëllim të verifikimit të rregullsisë së procedurave për ndërtimin e urave.

Hetimi, siç theksohet, nuk ka të bëjë me kundërshtimin e projektit, por me sigurimin që procedurat ligjore janë respektuar dhe se resurset publike po administrohen në mënyrë të ligjshme.

Komunikata e plotë: