Zëvendëspresidenti amerikan JD Vance tregoi gishtin e mesëm gjatë një fjalimi në një darkë republikane në Ohio.

“Më besoni. Ata e kanë këtë gjë në Uashington, mendoj se do të thotë që ne jemi numri 1 në Uashington. Por të gjithë njerëzit me flokë rozë po e mbajnë lart këtë tabelë dhe mendoj se do të thotë që ne jemi numri 1, apo jo? Kjo është arsyeja pse kam vendosur ta mbaj atë tabelë në Uashington”, tha Vance ndërsa mbante lart gishtin e mesëm.

Për më tepër, Vance tha se sulmi ajror ndaj Iranit ishte “jashtëzakonisht i suksesshëm”, pavarësisht vlerësimeve fillestare të inteligjencës që sugjeronin se dëmi ndaj programit bërthamor të Iranit ishte shumë më i vogël nga sa pretendon Shtëpia e Bardhë.

“Jo vetëm që e shkatërruam programin bërthamor të Iranit, por e bëmë pa asnjë viktimë amerikane. Kjo është ajo që ndodhi”, tha Vance në darkën në shtetin e tij të lindjes.

Në fjalimin e tij para anëtarëve të partisë, Vance shpjegoi elementët bazë të të ashtuquajturës doktrinë e Trumpit: “Së pari, përcaktoni qartë interesin e Amerikës – në këtë rast, që Irani të mos ketë armë bërthamore. Së dyti, përpiquni ta zgjidhni problemin përmes diplomacisë agresive. Së treti, nëse kjo dështon, përdorni forcë ushtarake dërrmuese dhe tërhiquni përpara se konflikti të zgjatet”.