Gjesti është një nga banorët e Big Brother VIP Albania 4 i cili po përballet me sulme të ndryshme nga banorët e tjerë që nga dita e parë brenda këtij reality show.

Ata e kanë ngacmuar, ofenduar, bullizuar e biles dje edhe ia kanë përmendur familjen e njëri prej tyre edhe i ka derdhur ujë mbi kokë, shkruan lajmi.net.

Jozi, G-Bani, Amber janë vetëm disa nga banorët që po e ngacmojnë Gjestin.

Ai po i menaxhon të gjitha këto situata me shumë qetësi e pozitivitet dhe nuk po arrijnë ta qesin nga vetja.

Për ta mbështetur atë, ka shkruar edhe aktorja e njohur Yllka Gashi.

Në një video të publikuar në rrjetin social Instagram nga faqja zyrtare e BBVA, Yllka Gashi ka përdorur fjalinë tashmë virale të Gjestit.

“U kry çdo sen”, ka komentuar ajo, fjali të cilën e tha Gjesti kur u largua nga shtëpia e Big Brother VIP Albanbia.

Në mbështetje të Gjestit kanë dalë edhe këngëtarë e emra të tjerë të njohur të showbizit shqiptarë. /Lajmi.net/