Një person ka pësuar lëndime trupore si pasojë e një aksidenti i cili ka ndodhur tek rruga Prishtinë-Gjilan.

Në këtë aksident sipas Policisë ka qenë e përfshirë një veturë, shkruan lajmi.net.

“Sot rreth orës 21:00 në rrugën Prishtinë-Gjilan, ka ndodhur një aksident trafiku, ku kanë qenë i përfshirë një automjet. Si pasojë e aksidentit lëndime trupore ka pësuar një person. Me rastin po merren hetuesit nga njësiti i trafikut”, ka thënë për lajmi.net zëdhënësja e Policisë së Kosovës për rajonin e Prishtinës, Flora Ahmeti.

Mediat kanë raportuar se vetura ka rënë në Liqenin e Badovcit. /Lajmi.net/