Loredana për ndarjen nga Mozzik: Kaluese është, e kam kaluar pa alkool e drogë

ShowBiz

23/12/2024 19:20

Rap-artistja e njohur shqiptare, Loredana Zefi, i është rikthyer ndarjes me Mozzikun.

Në një intervistë me Burim Pacollin, ajo ka rrëfyer për periudhën e ndarjes dhe rreth asaj se si e përjetoi.

Këngëtarja me origjinë nga Ferizaj theksoi se është kaluese dhe se e ka kaluar pa alkool e drogë.

“Është tema kur jemi ndarë si e kam përballuar unë atë kohë. Ka qenë për mua shumë vështirë. Normal, më pyetnin njerëzit ku e ke burrin, nuk e disha as si të përgjigjem se nuk e ka ditur askush se çfarë po ndodh edhe e kishe atë mendimin se ndoshta ka shans sërish dhe marre me iu tregu njerëzve që je ndarë”, u shpreh ajo.

Tutje theksoi: “Normalisht që kur e do dikë dhe ndahesh ndihesh keq, po tash ti, s’di si të them kam hyrë më thellë se që duhet do të thotë jam ndjerë keq po i thosha vetes akoma më keq duhet me u ndi me qëllim, se e disha që normale nuk është me u nda me dikë që ke qenë pesë vjet bashkë plus edhe kishim një fëmijë ndërmjet vete. Bashkë që e kemi”.

29-vjeçarja ndër tjerash shtoi: “Ka qenë periudha më e vështirë që e kam pasur ndonjëherë, ama kaluese është. E kam kaluar pa alkool, pa drogë, pa asgjë. Thjesht në depresion, çfarë më ka mbajtur është vajza”.

Loredana tani po shijon një lidhje të re me futbollistin e Dortmundit, Karim Adeyemi, me të cilin u fejua në tetor.