Ish-ambasadorja e Kosovës në Itali, Alma Lama, ka reaguar pas publikimit të të dhënave nga Agjensioni i Statistikave të Kosovës ku u tha se 93 për qind e popullsisë në Kosovë janë të besimit islam.

Në llogarinë e saj në Facebook, Lama tha se kjo shifër është e manipuluar.

Si arsye për këtë, ajo tha se edhe foshnjat e lindura janë regjistruar si muslimanë.

Kujtojmë se pak ditë më parë, ASK-ja bëri publike të dhënat e regjistrimit të popullsisë.

Aty u tha se Kosova ka 1.602.515 banorë, ku 93% e të cilëve janë të besimit musliman, 2.3% të besimit ortodoks dhe 1.7% të besimit katolik.

Pa asnjë lloj besimi janë regjistruar 0.5% e popullsisë. /Lajmi.net/